រដ្ឋបាលខេត្តមណ្ឌលគិរី

Mondulkiri Administration

រដ្ឋបាលខេត្តមណ្ឌលគិរី

Mondulkiri Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ក្រុមប្រឹក្សាខេត្តមណ្ឌលគិរី បើកកិច្ចប្រជុំសាមញ្ញលើកទី០២ អាណតិ្តទី៣

ដោយ SokMeanចំនួនទស្សនា (99)

មណ្ឌលគិរី៖ ឯកឧត្ដម ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី បានដឹកនាំកិច្ចប្រជុំសាមញ្ញលើកទី០២ របស់ក្រុមប្រឹក្សាខេត្ត អាណតិ្តទី០៣ ដោយមានការចូលរួមពីលោក អភិបាលរងខេត្តចំនួន២រូប ព្រមទាំង លោក លោកស្រីសមាជិកក្រុមប្រឹក្សា លោក លោកស្រី ប្រធាន អនុប្រធានមន្ទីរ អង្គភាពជំនាញជុំវិញខេត្ត កងកំលាំងប្រដាប់អាវុធទាំងបីប្រភេទ អភិបាលក្រុង/ស្រុកទាំងប្រាំ ដែលប្រព្រឹត្តិទៅនៅអគារប្រជុំក្រមប្រឹក្សាខេត្ត នាព្រឹកថ្ងៃចន្ទ ១៣រោច ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៩ ខែកក្កដា ឆ្នាំ២០១៩។
ឯកឧត្ដម ម៉ែន ង៉ុយ ប្រធានក្រុមប្រឹក្សាខេត្ត បានឲ្យសមាជិក-សមាជិកា នៃអង្គប្រជុំធ្វើការពិនិត្យ និង មានមតិយោបល់ ដើម្បីបំពេញបន្ថែមលើរបាយការណ៍ ព្រមទាំងបញ្ហាប្រឈមនានាដែល អង្គភាពបានជួបប្រទះក្នុងការអនុវត្តតួនាទីរបស់ខ្លួនកន្លងមក។ ហើយរាល់បញ្ហាដែលបានលើកឡើងនៅក្នុងអង្គប្រជុំនោះដែរ មន្ទីរអង្គភាពជំនាញវិស័យនីមួយៗ បានធ្វើការឆ្លើយបំភ្លឺជូនអង្គប្រជុំរួចរាល់ រីឯបញ្ហាដែលនៅសេសសល់មួយចំនួន មន្ទីរអង្គភាពជំនាញនឹងឆ្លើយបំភ្លឺនៅក្នុងអង្គប្រជុំនាពេលក្រោយជាបន្តទៀត។
លោក ញ៉ន សិទ្ធ អភិបាលរងខេត្ត ក៏បានលើកឡើងអំពីបញ្ហាការគោរពច្បាប់ចរាចរណ៍ នៅក្នុងខេត្តមណ្ឌលគិរី គឺប្រជាពលរដ្ឋភាគច្រើន មិនបានគោរព និងអនុវត្តច្បាប់ចរាចរណ៍ ដែលក្រសួងបានកំណត់នោះទេ ហើយអ្នកធ្វើដំណើរ តែងតែបំពាន និងល្មើសនូវស្លាកសញ្ញា ដែលមន្រ្តីចរាចរណ៍បានដាក់បង្ហាញ។ លោក អភិបាលរងខេត្ត សំណូមពរដល់មន្រ្តីរាជការ នៃមន្ទីរ អង្គភាព ស្ថាប័ន ទូទាំងខេត្ត ត្រូវរួមគ្នាគោរពច្បាប់ចរចរណ៍ ព្រោះថាការគោរពច្បាប់ចរាចរណ៍គឺផ្ដើមចេញពីយើងទាំងអស់គ្នា និងធ្វើជាគំរូដល់ប្រជាពលរដ្ឋ។ លោក បានណែនាំដល់អាជ្ញាធរក្រុង/ស្រុក ទាំងអស់ ត្រូវផ្សព្វផ្សាយអំពីច្បាប់ចរាចរណ៍ដល់បងប្អូនប្រជាពលនៅតាមមូលដ្ឋាន ឲ្យពួកគាត់យល់ដឹង អំពីការពាក់មួកសុវត្តិភាព ស្លាកសញ្ញាចរាចរណ៍ គំនូសបង្ហាញផ្លូវ និងភ្លើងសញ្ញា ឲ្យបានយល់ដឹងគ្រប់ៗគ្នា ចៀសវាងគ្រោះថ្នាក់ដល់ខ្លួនឯង គ្រួសារ និងសង្គមជាតិ។ ក្នុងនោះដែរ លោក អភិបាលរងខេត្ត ក៏បានជ្រើសរើសតំបន់សុវត្ថិភាពចរាចរណ៍ផ្លូវគោក ដោយដាក់បញ្ចូលស្រុកកែវសីមា ដើម្បីធ្វើការប្រលងប្រណាំង ក្នុងការអនុវត្តច្បាប់ចរាចរណ៍ នៅទូទាំង២៥ខេត្ត/ក្រុងនៅទូទាំងប្រទេស។
ឯកឧត្តម ម៉ែន ង៉ុយ ក្រុមប្រឹក្សាខេត្ត បានថ្លែងនូវការកោតសសើរដល់ គណៈអភិបាលខេត្ត ក៏ដូចជាមន្ទីរ អង្គភាពពាក់ព័ន្ធនានា ដែលបានខិតខំប្រឹងប្រែង និងការយកចិត្តទុកដាក់ ដោយបានគិតពីសុខទុក ក៏ដូចជាការលំបាកនានា ដែលបងប្អូនប្រជាពលរដ្ឋបានជួបប្រទះ ដែលធ្វើឲ្យខេត្តមានរបៀបរៀបរយ មានសណ្តាប់ធ្នាប់ សន្តិសុខសាធារណៈ និង មានការអភិវឌ្ឍន៍លើគ្រប់វិស័យ ដើម្បីជាតិមាតុភូមិ ក៏ដូចជាខេត្តមណ្ឌលគិរីផងដែរ៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)097 778 001 4
MONDULKIRI WEATHER
ព័ត៌មានជាប់ទាក់ទង

ភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី

អ៊ីមែល : info@mondulkiri.gov.kh

លេខទូរស័ព្ទ : (+855) 71 888 75 75

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តមណ្ឌលគិរី

កែប្រែចុងក្រោយ : 4 ខែមុន