រដ្ឋបាលខេត្តមណ្ឌលគិរី

Mondulkiri Administration

រដ្ឋបាលខេត្តមណ្ឌលគិរី

Mondulkiri Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ឯកឧត្តម ស្វាយ សំអ៊ាង បន្តនាំយកអំណោយសង្គ្រោះបន្ទាន់ ចែកជូនដល់ពលរដ្ឋចំនួន៧១គ្រួសារ រងគ្រោះដោយជំនន់ទឹកភ្លៀង និងជនចាស់ជរា នៅឃុំមេម៉ង់ ស្រុកកែវសីមា ខេត្តមណ្ឌលគិរី

ដោយ soneaចំនួនទស្សនា (78)

មណ្ឌលគិរី៖ ដើម្បីឆ្លើយតបទៅនឹងតម្រូវការរបស់ប្រជាពលរដ្ឋរងគ្រោះដោយធម្មជាតិ នាព្រឹកថ្ងៃទី១៣ ខែសីហា ឆ្នាំ២០១៩ ឯកឧត្តម ស្វាយ សំអ៊ាង ប្រធានគណៈកម្មាធិការសាខាកាកបាទក្រហមកម្ពុជាខេត្ត អមដំណើរដោយលោក លោកស្រី សមាជិកនៃគណៈកម្មាធិការសាខា អនុសាខាស្រុក សហភាពសហព័ន្ធយុវជនកម្ពុជា សម្ពន្ធយុវជនស្រលាញ់សន្តិភាព បានអញ្ជើញចុះជួបសំណេះសំណាលសួរសុខទុក្ខ និងនាំយកអំណោយមនុស្សធម៌ ផ្តល់ជូនប្រជាពលរដ្ឋរងគ្រោះដោយជំនន់ទឹកភ្លៀង និងជនចាស់ជរា ចំនួន៧១គ្រួសារ មកពី០៥ភូមិ ក្នុងឃុំមេម៉ង់ ស្រុកកែវសីមា ខេត្តមណ្ឌលគិរី។
ឯកឧត្តម ស្វាយ សំអ៊ាង មានប្រសាសន៍ថា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែគិតគូរសុខទុក្ខដល់ប្រជាពលរដ្ឋដែលជាជនងាយរងគ្រោះ និងរងគ្រោះដោយគ្រោះមហន្តរាយផ្សេងៗ ដោយមិនប្រកាន់និន្នាការនយោបាយអ្វីឡើយ។ ឯកឧត្តម បានផ្តាំផ្ញើដល់បងប្អូនប្រជាពលរដ្ឋទាំងអស់ សូមយកចិត្តទុកដាក់ទៅលើបញ្ហាសុខភាព ដោយរក្សាអនាម័យ ពិសារទឹកឆ្អិន និងគេងក្នុងមុខជានិច្ច ចៀសវាងកើតជំងឺគ្រុនឈាម-គ្រុនចាញ់ ជំងឺរាករួស និងជំងឺតម្កាត់ផ្សេងៗទៀត ជាពិសេស ត្រូវប្រុងប្រយ័ត្នចំពោះសត្វអសិរពិសទាំងឡាយ ប្រសិនបើមានពស់ចឹក សូមប្រញ៉ាប់ប្រញាលទៅមន្ទីរពេទ្យ ដើម្បីទទួលបានការព្យាបាលឱ្យទាន់ពេលវេលា។ ក្រៅពីនោះ ក៏ត្រូវយកចិត្តទុកដាក់ អំពីសុវត្ថិភាព កូនចៅតូចៗ កុំឱ្យលេងទឹក ដើម្បីបញ្ជៀសការលង់ទឹក ហើយពេលទឹកស្រកទៅវិញសូមបងប្អូនប្រជាពលរដ្ឋ ត្រូវត្រៀមពូជដំណាំ និងត្រូវសហការជាមួយស្ថាប័នជំនាញ ដើម្បីស្តារលទ្ធកសិកម្មឡើងវិញ។ ទទឹមនឹងនោះដែរ ឯកឧត្តម បានណែនាំដល់មន្រ្តីជំនាញ និងអាជ្ញាធរមូលដ្ឋានទាំងអស់ ត្រូវសហការគ្នា ត្រៀមអន្តរាគមន៍ដល់ប្រជាពលរដ្ឋដែលជួបគ្រោះទឹកជំនន់ឱ្យបានទាន់ពេលវេលា បើសិនជាភ្លៀងនៅតែបន្តធ្លាក់។ ឯកឧត្តម បន្ថែមថា ចំពោះអំណោយមនុស្សធម៌ ចែកជូនដល់ពលរដ្ឋរងគ្រោះ និងជនចាស់ជរានាពេលនេះ គឺដើម្បីជួយសម្រាលនូវការខ្វះខាតមួយរយៈប៉ុណ្ណោះ។
នាឱកាសនោះដែរ ឯកឧត្តម ស្វាយ សំអ៊ាង បាននាំយកអំណោយរបស់មន្ទីរសង្គមកិច្ច អតីតយុទ្ធជន និងយុវនិតីសម្បទាខេត្ត និងកាកបាទក្រហមកម្ពុជាខេត្ត ចែកជូនដល់ប្រជាពលរដ្ឋរងគ្រោះដោយជំនន់ទឹកភ្លៀងចំនួន៥២គ្រួសារ និងជនចាស់ជរា សរុប៧១គ្រួសារ ក្នុងមួយគ្រួសារ ទទួលបានគ្រឿងឧបភោគបរិភោគ និងថវិកាមួយចំនួនផងដែរ។ ដោយឡែក កម្លាំងយោធា និងប៉ុស្តិ៍រដ្ឋបាលឃុំមេម៉ង់ និងបានឧបត្ថម្ភថវិកា១លានរៀល ក្នុង១អង្គភាព។បន្ទាប់មក ឯកឧត្តម ស្វាយ សំអ៊ាង និងគណៈប្រតិភូអមដំណើរ បានចុះពិនិត្យកាកដ្ឋានសាងសង់ស្ពានបេតុង និងស្ពានបាឡេ ដែលដាក់ឱ្យប្រើប្រាស់បណ្តោះអាសន្ន ឆ្លងកាត់អូរទេ ដើម្បីសម្រួលដល់ប្រជាពលរដ្ឋធ្វើដំណើរ ហើយមួយរយៈកន្លងមក មានភ្លៀងធ្លាក់ជាប់ៗគ្នា បណ្តាលឱ្យទឹកជន់ដល់ស្ពាន និងបានផ្អាក់ធ្វើចរាចរណ៍បណ្តោះអាសន្ន ម្យ៉ាងទៀត បច្ចុប្បន្ននេះ ទឹកបានស្រក់ទៅវិញ ប្រជាពលរដ្ឋក៏អាចធ្វើដំណើរទៅមកបានងាយស្រួលផងដែរ៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)097 778 001 4
MONDULKIRI WEATHER
ព័ត៌មានជាប់ទាក់ទង

ភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី

អ៊ីមែល : info@mondulkiri.gov.kh

លេខទូរស័ព្ទ : (+855) 71 888 75 75

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តមណ្ឌលគិរី

កែប្រែចុងក្រោយ : 4 ខែមុន