រដ្ឋបាលខេត្តមណ្ឌលគិរី

Mondulkiri Administration

រដ្ឋបាលខេត្តមណ្ឌលគិរី

Mondulkiri Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

វគ្គបណ្តុះបណ្តាលគ្រូបង្គោលថ្នាក់រាជធានីខេត្ត ស្តីពីកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារក្រោមអាយុ២ឆ្នាំ

ដោយ soneaចំនួនទស្សនា (234)

សិក្ខាកាមមកពីបណ្តាខេត្តចំនួន០៦ បានចូលរួមវគ្គបណ្តុះបណ្តាលគ្រូបង្គោលថ្នាក់រាជធានីខេត្ត ស្តីពីកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារក្រោមអាយុ២ឆ្នាំ រយៈពេល២ថ្ងៃ នៅខេត្តមណ្ឌលគិរី
មណ្ឌលគិរី៖ ដើម្បីឱ្យគ្រូបង្គោលថ្នាក់រាជធានីខេត្ត មានសមត្ថភាពគ្រប់គ្រាន់ ក្នុងការទទួលបានចំណេះដឹង និងជំនាញបណ្តុះបណ្តាលថ្មីៗ ក្នុងការផ្សព្វផ្សាយដល់បណ្តាជនបង្គោលថ្នាក់ឃុំ/សង្កាត់ និងមូលដ្ឋានសុខាភិបាលសាធារណៈនៅតាមខេត្តនីមួយៗ ក្រសួងសង្គមកិច្ចអតីតយុទ្ធជន និងយុវនីតិសម្បទា សហការជាមួយរដ្ឋបាលខេត្ត បានរៀបចំវគ្គបណ្តុះបណ្តាលគ្រូបង្គោលថ្នាក់រាជធានីខេត្ត ស្តីពីកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារក្រោមអាយុ២ឆ្នាំ រយៈពេល២ថ្ងៃ ដែលមានសិក្ខាកាមមកពីបណ្តាខេត្តចំនួន០៦ រួមមាន៖ ខេត្តកំពង់ចាម ក្រចេះ រតនគិរី ស្ទឹងត្រែង ត្បុងឃ្មុំ និងខេត្តមណ្ឌលគិរី សរុបប្រមាណជា៥០នាក់ ដែលប្រព្រឹត្តទៅនៅមន្ទីរសង្គមកិច្ចអតីតយុទ្ធជន និងយុវនីតិសម្បទាខេត្តមណ្ឌលគិរី នាព្រឹកថ្ងៃទី២៨ ខែវិច្ឆិកា ឆ្នាំ២០១៩។
លោកជំទាវ ខៀវ បូរី រដ្ឋលេខាធិការក្រសួងសង្គមកិច្ចអតីតយុទ្ធជន និងយុវនីតិសម្បទា បានមានប្រសាសន៍ថា គោលបំណង ដើម្បីផ្តល់នូវចំណេះដឹងជាមូលដ្ឋានដល់សិក្ខាកាម ស្តីពីកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារក្រោមអាយុ២ឆ្នាំ និងផ្តល់ជំនាញបណ្តុះបណ្តាល ដើម្បីពង្រឹងជំនាញសម្របសម្រួលឱ្យកាន់តែមានប្រសិទ្ធភាព។ លោកជំទាវ បញ្ជាក់ថា ផ្អែកតាមក្របខណ្ឌគោលនយោបាយជាតិគាំពារសង្គម(២០១៦-២០២៥) រាជរដ្ឋាភិបាល បានដាក់ឱ្យដំណើរការនៅថ្ងៃទី០១ ខែមិថុនា ២០១៩ ដែលបែកចែកជា០២ដំណាក់កាល ទី១ ជាដំណាក់កាលអន្តរកាល ដែលប្រគល់ភារកិច្ចអនុវត្តកម្មវិធីទៅឱ្យក្រសួងសុខាភិបាល ដោយប្រើប្រាស់មូលដ្ឋានសុខាភិបាល ទី២ ផ្ទេរការអនុវត្តកម្មវិធីពីក្រសួងសុខាភិបាល ទៅក្រសួងសង្គមកិច្ច ដើម្បីគ្រប់គ្រង និងអនុវត្តកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារក្រោមអាយុ២ឆ្នាំ ចាប់ពីខែមករា ឆ្នាំ២០២០តទៅ។
លោក ចឹង សុចន្ថា អភិបាលរងខេត្តមណ្ឌលគិរី បានឱ្យដឹងថា ការបើកវគ្គបណ្តុះបណ្តាលនាពេលនេះ ពិតជាមានសារសំខាន់ណាស់ សម្រាប់រដ្ឋបាលថ្នាក់ក្រោមជាតិ ក្នុងការគ្រប់គ្រង និងផ្តល់សេវាកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារក្រោមអាយុ២ឆ្នាំ ដែលជាគោលការណ៍របស់រាជរដ្ឋាភិបាល ក្នុងការអនុវត្តការលើកកម្ពស់ប្រព័ន្ធគ្រប់គ្រងសង្គម លើវិស័យសុខុមាលភាពមាតា និងកុមារ។ លោក បានផ្តាំផ្ញើដល់សិក្ខាកាមទាំងអស់ ត្រូវយកចិត្តទុកដាក់ ត្រង់ត្រាប់ស្តាប់ និងក្រេបជញ្ជក់យកចំណេះដឹង ដើម្បីទៅផ្សព្វផ្សាយដល់មូលដ្ឋានក្នុងខេត្តនីមួយៗ ឱ្យមានការយល់ដឹង និងជំរុញការអនុវត្តកម្មវិធីនេះ ឱ្យមានប្រសិទ្ធភាពខ្ពស់ ស្របតាមគោលការណ៍របស់រាជរដ្ឋាភិបាល ក្នុងការលើកកម្ពស់ការគាំពារសង្គម៕(រូបភាព និងអត្ថបទ៖ មន្ទីរព័ត៌មានខេត្ត)

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)097 778 001 4
MONDULKIRI WEATHER
ព័ត៌មានជាប់ទាក់ទង

ភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី

អ៊ីមែល : info@mondulkiri.gov.kh

លេខទូរស័ព្ទ : (+855) 71 888 75 75

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តមណ្ឌលគិរី

កែប្រែចុងក្រោយ : 4 ខែមុន